SORKKA VAASAL MAGIMAI (THIRU VARANGAM)
மார்கழி மாசம் வந்தால் வைகுண்ட ஏகாதேசி என்று கூட்டம் கூட்டமாய் சிறிரங்கம் முதலிய ஊர்களுக்கு பணச் செலவு செய்து கொண்டு போவதும் பொய்யையும் ,புளுகையும் காவடிக் கதையை சொல்வதும் , அறுத்து சமைத்த பாம்பும் , கோழியும் , மீனும் உயிர் பெற்று விட்டது என்பதும்: மண் சர்க்கரை ஆகிவிட்டது என்பதும், வெட்டித் துண்டாகபட்ட குழந்தை உயிர் பெற்று விட்டது என்பதும் இது போல் இன்னும் பல பொய்களை வெட்கமில்லாமல் சொல்வதும் , அழுக்கு குட்டைகளில் குளித்தும் குடித்தும் ' பஞ்சமிர்தம் 'எனும் அசிங்கத்தை உண்டும் , அதனால் 'காலரா ' போன்ற கொடிய நோய்கு இரையாவதும் நாம்கண்டது தானே ! அசிங்கம் , ஆபாசம் , அறியாமை , இவைதானே நமது பண்டிகைகளாக இருந்து வருகின்றன !
சிறிரங்கம் சொர்க்கவாசல் திறப்பு என்று கதை அளக்கிரார்களே, அதன் தாத்பரியத்தைத் கேளுங்கள் :
"நாகபட்டினத்தில் இருந்து ஜைனக் கோயிலின் பொன் விக்ரகத்தை திருடி வந்து, அதை உருக்கி எடுத்து பணமாக்கி , திருமங்கை ஆழ்வார் என்ற நாமக்காரன் சிறிரங்கம் கோயிலின் மதில்களைக் கட்டினான் . ஆனால் அக்கோயிலின் சின்னத்தையே - அதாவது 'நாமத்'தையே சாத்திவிட்டான் . கூலி கேட்ட தொழிலாளர்களை ஓடத்தில் ஏற்றி, திரவியம் தருகிறேன் என்று கூறி , காவிரி தீரத்தில் கொண்டு போய்க் கவிழ்த்துக் கொன்று விட்டான் - ஒடக்கறான் துணையோடு !
அவர்களை ஆற்று வெள்ளத்தில் தள்ளி, படுகொலை செய்த இடத்திற்குக் கொள்ளிடம் என்றும்,அந்தத் துறைக்குப் 'பார்வானதுரை ' (பார் வானம் - சுடுகாடு , பார்வணம் - சிரார்த்தம் செய்யும் இடம்) என்றும் பெயரிட ஆண்டவனிடம் இறைஞ்ச , அவ்வாறே அளிக்கப்பட்டு , அன்று கொல்லப்பட்டவர்களுக்கு எல்லாம் ' முக்தி ' யும் அளிக்கப்பட்டதாம் ! ('திருமங்கை ஆழ்வார் வைபவம் ') என்ற நூல் ஆதாரப்படி ).
சிறிரங்கம் வைகுண்ட எகாதேசியின் போது திறக்க படுகின்றதே 'சொர்க்கவாசல் ' - அது எங்கே செல்லுவது தெரியுமா ? திருமங்கை ஆழ்வார் கொள்ளிடக் கரையில் தொழிலாளர்களைக் கொன்று சிரார்த்தம் செய்த அந்தப் பார்வானதுரைக்கு ! சொர்க்க வாசல் புரிகிறதா ?
- தந்தைபெரியார்
No comments:
Post a Comment